АХАЧIВКВА НАДЫРДЗИТI

ХIреспублика а-Правительства Тдзы апны асквш 2018 рынхара агIарбараква йырзынархаз афинансквала КЧР а-Министерства аколлегия алачIвара акIвшатI. Ауи йалаз тшырзынайырхатI КЧР а-Правительства а-Председатель йзаместитель – афинансквала ареспублика аминистр СУЮНЧЕВ Мурат. ЙагIвсыз асквш рынхара агIарбараквала йгIачважваз афинансквала КЧР аминистр йзаместитель ДАРЫМВА Неля йшгIалылкIгIазла, ареспублика бюджет ахъахIара хъвы рхъйара 10,3 процентла йалахIатI. Асквш 2018 агIан Къарча-Черкес Республика абюджет ахъахIара хъвы сом мильуан 25504,9-ла йырхъйахатI, йалакIу ареспублика бюджет акврыдзраква сом мильуан 24008,2 йнадзатI (ахачIвы апроцент 96,2). Афинансквала КЧР аминистр йзаместитель социальна магIны зму акврыдзраквагьи дрыквгIашIастI. Ареспублика бюджет рхъйара апны Россия а-Президент йчпаз амай Унашваква йалкIгIу гватра рзалхын. Йшалу аунашваква рырхъйара сом мильуан 3356,3 рзынадырхатI, ауат йрыуата сом мильуан 566,0 афедеральна бюджет йгIаунащттI. Асквш 2017 агIан апшта, йагIвсыз асквш агIангьи хIреспублика апны «амгIва карта» йану дырхъйатI.