АНКЪВАКЪВРА ЙАПХЪАГЫЛАГIВХАЗ ЙРАЙХIВАХIВТI

«Росгвардия» КЧР-ла а-УнашвахъцIарта агIаджвыквцIарала алацIарала апхьагIвчва ранкъвакъвра ацIыхъвагIарбараква гIархIвахтI. Асабиква «Росгвардия. Всегда на страже!» темала хвбызшвакIла алацIараква ргIвытI. Ауат рынхараква ареспублика апечать а-Тдзы, «Росгвардия» КЧР-ла а-УнашвахъцIарта рынхагIвчва йырзырщтитI. Ажюри йалу йагъьта йгIалыркIгIаз анхараква зрыхIазырыз апхьагIвчва йрайхIвахIвтI «Росгвардия» КЧР-ла а-УнашвахъцIарта знапIыцIу йзаместитель, аполиция аполковник ЦУРОВ Марат, а-УнашвахъцIарта апресс-къвырльыкъвхарта знапIыцIу, аполиция аподполковник ТЛУКАШАОВА Диана. – Асабиква ршIыйара, патриотра рылата йгIадзынгылра къару ду алазцIауа арыпхьагIвчва хIуачIвымш зрыпшдзуш, хI-Абашта къвырльыкъв азызхуш абанпара швъарыдынхалуа ахъазла сшвзыразпI. Йапшым анархараквала тшауацIызхуа, дырра цIола зму чкIвыныргIа йанакIвызлакIгьи йхIщардазтI,– йхIватI Цуров Марат. «Росгвардия» анхара йазынарху анкъвакъвра йшгIанарбазла, абаза бызшвала алацIара згIвыз рпны Псыжв кыт йапхъахауа Гимназия апхьагIв Нурлиев Дамир йапхъахауа гыларта йкIытI. «Урышв бызшвала йагъьу алацIара» номинация апны ПсауычIадаха кыт аквтанай апхьарта апхьагIв Кидакоев Беслан дапхъагылагIвхатI. Хвби Амина къарча бызшвала алацIара бзита йылгIвытI. ЭркеншахIар квтанай апхьарта апхьагIв Найманова Лилия «НагIвай бызшвала йагъьу алацIара» номинация апны дапхъагылагIвхатI. Ачеркес бызшва бзита йыздыруа ачкIвын Къардан Ращид йынхара йагъьта йгIалы