Актуально Ребята из Карачаево-Черкесии примут участие в полуфинале интеллектуальной олимпиады «Умницы и умники» Актуально Представители фонда «Защитники Отечества» приняли участие в круглом столе «Нотариат России на службе Отечества» Актуально Участник СВО из Пскова специально приехал в КЧР, чтобы зарегистрировать брак на вершине Суфруджу СКФО В Чечне прошло Первенство по боевому и спортивному самбо СКФО В Ингушетии успешно реализован федеральный проект «Старшее поколение»

АПХЪАГЫЛАГIВЧВА ЙРАЙХIВАХIВТI

22.03.2022 321
АПХЪАГЫЛАГIВЧВА ЙРАЙХIВАХIВТI
ХIкъральла сквшигIадза ацри бызшваква, ауагIахъа культураква ртшауацIыхра йгьи рхчара йазынарху амаль щарда нарахвитI. Ауат йрыуапI щарда мцIуата Россияла йгьи ареспубликала йакIвшаз анкъвакъвраква. Россияла алацIараква ранкъвакъвра арыпхьарала РФ а-Министерства агIаджвыквцIарала асквш 2021 агIан йакIвшатI. Ауи хIреспубликала амуниципальна районква рпны йаныргIалу аквтанай апхьартаква рапхьагIвчва йрынхарата 148 алан. Анкъвакъвраква рапхъагылагIвчва йгьи ауат рарыпхьагIвчва КЧР а-Правительства Тдзы апны йрайхIвахIвтI, аграмотаквали адипломквали йгIалыркIгIатI. Агвыргъьахъв йалан арыпхьарала йгьи наукала КЧР аминистр КРАВЧЕНКО Инна, ауи лзаместитель БЕКИЖЕВА ФатIима, Къарча-Черкес арыпхьагIвчва ръачIвагIадырра йъаладырхIауа аинститут аректор ГУРИН Александр, арыпхьагIвчва, апхьагIвчва. Кравченко Инна апхьагIвчва анкъвакъвра йаздрыхIазырыз алацIараква зымгIва рнадзара шхIагIаз гIалылкIгIатI. – ЗымгIвагьи схъа швыладупI. ХIгвыгъараква зпхIщылуа, йхIуачIвымшу швара швакIвпI. ДзачIвызлакIгьи швцри бызшва швшвырдырра, швзалагIвуа, ауыла швхъвыцракви швгвтаракви швзыхIвауа тшыжвбжьара швтахъыпI. Ауи швабыжта хIайгвыргъьитI. МшигIадза йшвыдгIапсалуа, ари адахIвраква швырзынадзара ахъазла йшвыдынхалыз арыпхьагIвчвагьи сшвайхIвахIвитI. ХIгIаджвыквцIараква йъарыцшвкIуа аразыра ажваква швзынасырхитI. Ари анкъвакъвраква рпны швыршIыйара абгата йгIашвырбарныс швылшатI, – лхIватI аминистр. Афедеральна хъвы апны зымгIва йрагъьта Эркенюрт квтанай апхьарта й-9-хауа акласс апхьагIв Атуов АхIмад йгьи ИконхIалкъ квтанай апхьарта йпщбахауа акласс апхьагIв Кумратова Самира гIалыркIгIатI. ХIреспубликала апхъагылара гIатызгаз йрыуапI Черкесск й-17-хауа Гимназия й-5-хауа акласс апхьагIв КIьыщмахва Мансур Расул йпа, (дызрыхIазырыз абаза бызшвали литературали арыпхьагIв Трам Арина МухIамад йпхIа), Черкесск й-11-хауа арыпхьара Квта й-6-хауа акласс апхьагIв Эгьзакь Руслан МухIадин йпа (дызрыхIазырыз абаза бызшвали литературали арыпхьагIв Эгьзакь Стела Алик йпхIа) датшагьи. АпхъагылагIвчвагьи ауат рарыпхьагIвчвагьи адипломква, аразыра сальамшвъаква, асогIаква рырттI. Агвыргъьахъв апны апхьагIвчва ралацIараква ршIчIвараква йгIарыпхьатI. ЗымгIвагьи йшгIалыркIгIазла, ари йапшу анкъвакъвраква апхьагIвчва рцри бызшви ркультури рыцIагьи цIолата йддырдырра йацхърагIитI, апхьара рыцIа йазгIашыкъта йачпитI.
321 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный