Джай лагерле ачылгъандыла

Къарачай-Черкесияны республикан аралыгъында солууну джай кампаниясы башланнганды. Адетдеча, Черкесскени 15 школ лагери 1774 джашчыкъ бла къызчыкъгъа эшиклерин кенг ачхандыла. Солугъанланы джыллары 7-ден 14-ге деридиле. Лагерле, солуу кюнлени санамай, юч ыйыкъны ишлерикдиле. Эртденбла 8 сагъат бла 30 минутдан кюнорта 14 сагъат бла 30 минутха дери. Сабийле кюнюне эки кере ашарыкъдыла. Аланы эртден, кюнорта азыкъларыны джоюмларыны 50 проценти республикан бюджетден, 50 проценти да шахар бюджетден этилликди. Ата-анала сабийлерини къуру кёз ачхан программалагъа изленник ачхаларын тёлерикдиле. Джайгъы школ лагерледе тюрлю-тюрлю оюнла, конкурсла, викторинала, спорт эришиуле бардырыллыкъдыла.