Актуально Жителям КЧР рассказали, как согласовать границы земельного участка СКФО Дагестанцы отметили Всемирный день донора массовой сдачей крови СКФО В Ставрополе начался капремонт лицея и трёх школ Актуально Участник СВО из КЧР Амир Аккао стал победителем премии «Лидеры России. Признание» Актуально Энергетики Карачаево-Черкесии провели турнир по мини-футболу

КАВЫФСЫЗЛЫК СОВЕТТИНЪ ЙЫЙЫЛЫСЫНДА

12.03.2020 196
КАВЫФСЫЗЛЫК СОВЕТТИНЪ ЙЫЙЫЛЫСЫНДА
Бийсемби куьн Карашай-Шеркеш Республикасынынъ Басшысы Рашид Темрезов Владикавказда озган Россия Федерациясынынъ Кавыфсызлык Советининъ йыйылысында катнасты. Йыйылысты Россиядынъ Кавыфсызлык Советининъ Секретари Николай Патрушев СКФО-да РФ Президентининъ ваькил элшиси Юрий Чайка ман бирге озгардылар. Амаллама Керуьв-Кавказ субъектлеринде миллет кавыфсызлыгын аьжетсизлев соравларына багысланды. Йыйылыстынъ алдында Россиядынъ Кавыфсызлык Советининъ Секретари Николай Патрушев, СКФО-да РФ Президентининъ ваькил элшиси Юрий Чайка, СКФО субъектлерининъ басшылары 1 номерли мектептинъ «Тулланув терегининъ» туьбине эм Бесланда «Маьлеклер каласы» мемориал кабырында «Альфа», «Вымпел» эм МЧС-тинъ спецподразделениелерининъ оьлген куллыкшыларынынъ эстелигине шешекейлер салдылар. Кавыфсызлык Советтинъ йыйылысында федераллык округтынъ калыбына киретаган регионлардынъ басшылары, федераллык ведомстволардынъ эм министерстволардынъ, толтырувшы эм право саклав органларынынъ элшилери катнастылар. Йыйылыста СКФО субъектлеринде карыж алув коьринислери мен куьрес эм профилактикалав бойынша косымша амалламалар, оннан баска транспортта яшавшылардынъ кавыфсызлыгын аьжетсизлев соравлары тергелдилер. Йыйылыстынъ басында Н.Патрушев озган йылда Махачкалада уйгынланган сондай йыйылыста алынган токтаслардынъ тамамларын сокты. Озган болжалдынъ ишинде право саклав органларынынъ терроршылык эм экстремистлик аьрекетликти болдырмав мыратка туспарланган амалламалар комплекси яшавга эндирилген. Николай Патрушевтинъ айтувынша, округта миграциялык кавыфсызлыкты тоьменлетуьв бойынша сезимли куллык озгарылган. «Уллы Енъуьвдинъ 75 йыллыгы алдында сондай куллык боьтен де маьнели», - деди Николай Патрушев. Соны ман биргесине ол немец-фашист баскыншылары ман куьресте коьп миллетли совет халкынынъ баьтирлигин ашыклав бойынша билдируьвлик куллыкты озгарувда керексинуьв бар., деп белгиледи Кавыфсызлык Советининъ етекшиси. Оннан баска Н.Патрушев карыж алувга карсылык этуьв соравын коьтерди. Йыйылыста СКФО-да РФ Президентининъ ваькил элшиси Юрий Чайка транспортта яшавшылардынъ кавыфсызлыгын аьжетсизлев соравында токталды. Онынъ ойынша, бу сорав власть органларынынъ эм право саклав туьзилислерининъ биргелес аьрекетликлерининъ маьнели йоьнелислерининъ бириси болады. Ю.Чайкадынъ айтувынша, йолда кавыфсызлык соравы тергелуьвде болса да, округтынъ субъектлеринде йол баьле-казаларынынъ саны йогары болып калады. Оннан баска ваькил элши транспорт инфратуьзилисининъ терроршылыкка карсы кавыфсызландырувга эсти каратты. «Йыйылыстынъ куллыгынынъ тамамында СКФО субъектлеринде карыжлык коьринислерине карсы амаллардынъ пайдалыгы куьшлендируьвге, транспортта яшавшылардынъ кавыфсызлыгын аьжетсизлевге каратылган токтаслар алынаякларына берк сенимлимен», - деди СКФО-да РФ Президентининъ ваькил элшиси Юрий Чайка.
196 просмотров


Комментарии

Написать
Комментарии >



Подписывайтесь на RIAKCHR в Одноклассниках Получайте свежие статьи и новые публикации на свой мобильный
Вступайте в сообщество RIAKCHR в “ВКонтакте” Получайте свежие статьи и новые публикации на свой мобильный
Вступайте в сообщество RIAKCHR в “Telegram” Получайте свежие статьи и новые публикации на свой мобильный